Lagarfell 22, Egilsstaðir

Verð: Tilboð


Tegund:
Einbýlishús
Stærð:
295.20 m2
Inngangur:
Margir inngangar
Herbergi:
8
Byggingarár:
1977
Svefnherbergi:
6
Fasteignamat:
38.750.000
Baðherbergi:
3
Brunabótamat:
81.700.000
Stofur:
2
Bílskúr:

Lýsingar eignarinnar:
Eignin sem ber fasteignanr. 217-3568 er einbýlishús, að hluta til á tveim hæðum með innbyggðum bílskúr alls 295,2 fm² og stendur húsið við friðsæla og barnvæna götu.
Húsið er byggt árið 1977, efri hæð úr steinsteypum einingum en neðri hæð er steypt. Grunnflötur íbúðarhæðar  er 148,2 fm² og er neðri hæð 71.4 fm² og er íbúð á neðri hæð með sérinngangi.
Lóðin sem er alls 1.400 fm² er vel gróinn og tengist skemmtilega út í náttúrulegt umhverfi sem er á þrjá vegu við húsið.
Bílskúr er alls 37,8 fm² og er kjallari/geymsla með sér inngangi undir öllum bílskúrnum.

Efri hæð:
Gengið er inn í húsið frá götu eftir hellulögðum gangstíg sem er sameiginlegur með þreföldu hellulögðu bílaplani. Íbúðarhæðin skiptist í forstofu, stofu, eldhús sem er opið fram í hol. Inn af eldhúsinu er þvottahús/geymsla með dyrum út.
Fjögur svefnherbergi eru á efri hæð ásamt tveim snyrtingum. Stærri snyrtingin er flísalögð í hólf og gólf, þar er snyrtileg innrétting, baðker og sturta. Svefnherbergisgangurinn er breiður og nýtist sem aukarými. Á flestum gólfum í húsinu er parket, forstofan er með flísum á gólfi og einnig eru flísar á baðgólfi. Eldhúsinnrétting er úr gegnheilri eik. Nýlega er búið að skipta út öllum raftækjum og borðplötu í eldhúsi. Hitaveita er í húsinu. Tvöfalt gler er í öllum gluggum í húsinu. Stór nýlegur sólpallur liggur upp að húsinu út af holi og pallurinn einstaklega skjólgóður í flestum áttum. Pallurinn tengist svölum og er gengið af pallinum út í garðinn.

Neðri hæð:
Sér inngangur er á neðri hæðina sem er með steyptum útveggjum, þar rúmgóð og björt þriggja herbergja íbúð með plastparketti á herbergjum og gangi en flísar eru í forstofu og snyrtingu. Það er tiltölulega auðvelt að skipta húsinu í tvær íbúðir sem eykur á verðmæti þess og gerir það einnig sölulegra og er t.d. heppilegt fyrir tvær fjölskyldur. 
Góður nýlegur sólpallur er á tvo vegu við neðri hæð.
 
Bílskúr:
Sér inngangur er í bílskúr og er í honum steypt gólf. Gluggi á bílskúr eru í sömu stærð og í húsi og op í gólfi fyrir stiga niður í kjallara

Upplýsingar um verð eru veittar á fasteignasölunni.
 




Útkaupstaðarbraut 1 - Eskifirði – Sími 893-1319 – thordis@lindinfasteignir.is - http://www.lindinfasteignir.is