Fasteignasala í fremstu röð

LF fasteignasala var stofnuð af Þórdísi Pálu Reynisdóttur 26. júní 2013 sem Lindin fasteignir Þórdís Pála er fædd á Eskifirði en ólst upp á Reyðafirði. Hún er Austfirðingur í húð og hár og setti sér það markmið að reka fasteignasölu sem þjónaði Austurlandi en þó einkum Fjarðarbyggð af heiðarleika og alúð. Lindin fasteignir varð strax blómleg fasteignasala og er það enn. Fasteignasalan er nú þekkt sem LF-fasteignasala sem er skammstöfun á nafninu Lindin fasteignir. Þórdís Pála er þekkt fyrir góð störf og sanngjarna verðlagningu á fasteignamarkaðnum austanlands og á einnig góða viðskiptavini á SV-horni landsins.

Árið 2021 var ákveðið að opna útibú í Reykjavík sem þjóna skyldi höfuðborgarsvæðinu og suð- vesturhorninu. Reynslan hefur einnig sýnt að þægilegt er að hafa starfsemi á 2 landshornum þar sem iðulega búa aðilar að samningunum ýmist á Austurlandi eða SV-horninu og þá þarf hvorki að vera að ferðast á milli landshluta vegna samninga né gefa öðrum umboð fyrir sína hönd.   

Styrmir Þór Sævarsson sem er sonur Þórdísar Pálu og alinn upp á Eskifirði hefur um árabíl búið á höfuðborgarsvæðinu og hafði á þessum tíma lokið sínu námi sem fasteignasali og hlotið löggildingu. Hann hafði um tíma starfað við fasteignasölu í Reykjavík við  góðan orðstýr.                  

Á þessum tímamótum var tekin sú ákvörðun að skammstafa nafnið LF-fasteignasala.  Skrifstofan í Reykjavík er staðsett við Suðurlandsbraut 22 á 2. hæð og er gengið inn beint af bílastæði inn á hæðina en við val á skrifstofuhúsnæði var lögð áhersla á að aðgengi væri fyrir öll.

Hjá LF-fasteignasölu er lögð rík áhersla á fagmannlega og góða þjónustu. Söluþóknun er stillt í hóf og öll nauðsynleg þjónusta, s.s. myndataka, skjalagerð eins og veðleyfi og annað slíkt, gagnaöflun, auglýsingar og skráning á netmiðla er innifalin í prósentutölu þóknunar þegar eign er í einkasölu (vsk leggst ofan á prósentutöluna). Yfirleitt er ekkert innheimt nema eignin seljist.

Kaup og sala á fasteignum eru yfirleitt mikilvægustu viðskipti einstaklinga og mikið í húfi að vel takist til. Þess vegna er mikilvægt að geta treyst þeim sem sjá um þessi viðskipti. LF-fasteignasala hefur metnað, reynslu og þekkingu til að standa undir væntingum viðskiptavina sinna. Heiðarleiki er leiðarljós fyrirtækisins.

Leiga og leigusamningar

LF-fasteignasala hefur einnig utanumhald um leiguhúsnæði og gerð leigusamninga. Við gerð leigusamninga er mikilvægt að um vönduð vinnubrögð sé að ræða og það borgar sig að fá aðstoð fagaðila. Það getur verið dýrkeypt að semja af sér.

Verið velkomin til okkar.

Þórdís Pála Reynisdóttir

Styrmir Þór Sævarsson